FAMILIA YA AKWILINA YATAKA HAKI ITENDEKE

Ndugu wa Mareheu wakikusanyika 

Waombelezaji waameendelea kukusanyika nyumbani kwa mwanafunzi Akwilina Akwilini anayedaiwa kupigwa risasi na polisi na kufariki baada makabiliano kati yao na wafuasi wa Chadema sikua ya Jumamosi.

Wakinukuliwa na Shirika la Utangazaji la BBC, ndugu wa marehemu Damian Swai, amesema wanasubiri matokeo ya uchunguzi wa polisi ili waone hatua ambayo itafaa kuchukuliwa.

Damian ameendelea kusema kuwa marehemu alikuwa na ndoto za kusoma na kufaulu na kuwa na maisha yake vizuri lakini, "ndoto yake imekatishwa."

Waombolezaji wakikusanyika nyumbani kwa marehem Akwilina Mbezi Luis Jijini Dar es Salaam

Taarifa za kifo cha mwanafunzi huyo zilifikia familia kupita Chuo cha Usafirishaji cha NIT ambapo alikuwa anasoma.

Mwili wa marehemu unategemewa kusafirishwa hadi Rombo, Moshi, Mkoani Kilimanjaro kwa wazazi wake ambapo ndipo atakapozikwa.

Hata hivyo, serikali kupitia Waziri wa Elimu imesema itagharamia mazishi ya mwanafunzi huyo.

Nae dadake marehemu ameomba "haki itendeke" ili waliohusika na kifo chake wachukuliwe hatua za kisheria.

Hadi sasa polisi 6 wamekamatwa kuhusiana na kifo cha mwanafunzi huyo.

Kumekuwa na shinikizo kutoka vyama vya upinzani kama vile chama cha ACT Wazalendo, vijana na Shirika la wanafunzi nchini limemtaka waziri wa maswala ndani nchini humo Mwigulu Nchemba kuchukua jukumu la kisiasa na kujiuzulu kufuatia kisa hicho.