AJUIA KWA BUNDUKI MBELE IKULU YA WHITE HOUSE

Polisi wakiweka kizuizi kwenye eneo la Ikulu ya White House

Mwanamume mmoja amejipiga risasi na kujiua nje ya Ikulu ya Marekani ya White House mjini Washington,taarifa za mamlaka ya   kikosi cha kumlinda rais zimeelza

Kikosi hicho kilisema kuwa mwanamume  huyo ambaye jina lake bado halijatangazwa   alikaribia uzio  unaozunguka Ikulu katika barabara ya Pennsylvania kabla ya kuchomoa bunduki na kupiga risasi mara kadhaa.

Rais Donald Trump hakuwa kwenye Ikulu. Na alikuepo  katika kasri lake la Mar-a-Lago huko Florida.

Mwanamume huyo alikuwa kwenye watu wengi wakati alipiga risasi, kulingana na na mashuhuda wa tukio hilo.

Video iliyochapishwa kwenye mtandao wa Twitter ilionyesha watu wengi wakikimbia kutoka eneo hilo.

Kumekuwa na visa kadha vinavyohusu usalama katika Ikulu ya White House miaka ya hivi karibuni.

Tukio la hivi  hivi karibuni tarehe 23 Februari, gari liliendeshwa kwenda kwa kizuizi cha Ikulu ambapo mwanamke wa miaka 35 alikamatwa.